БАЛТА СОРПАСЫ

БАЛТА СОРПАСЫ.

(Орыс ертегісі)

Ерте кезде бір ауылда Тасбике деген тастай қатты сараң кемпір болған екен. Жолаушы солдат құдайы қонақ болып үйіне келген екен. Жолаушы солдат:

– Аманбысыз кеюуана, аманбысыз шеше, халық қорғаушысы солдатпын, рахым етіп тамақтандырыңыз, – деді.

Сараң кемпір, тас кемпір, табан астында өтірік саңырау бола қалып:

– Анау шегеге іл, анау, анау, — деді, бірдеңені сандырақтай қалады. Солдат:

– Сен кемпір тіпті саңыраумысың?

– Мен бүгін әтеш сойған жоқпын.

– Сен кемпір ешнәрсені сезбеймісің?

Кемпір көзін жыпылықтатады... сонда солдат тұрып:

Мен сені қазір сынайын, – деп, кемпірдің артына жасырынады да:

– Шеше! – деп айқай салады. Кемпір шалқасынан түседі. Шалқасынан түседі де:

– Сен неге мұнша қатты айқайлайсың, мен оншалықты саңырау емеспін, – деді.

– Е — е, саңырау емеспісің?!...

– Не керек саған?

– Тойындыр мені шеше ... кемпір ешнәрсе беретін емес.

– Түк, түк жоқ ұлым, — деді.

– Ең болмаса быламық пісір, быламық болмаса сорпа жаса. Тіпті қарным аш, – деді солдат.

– Иә, түк, түк жоқ, – деді тағы да кемпір. Солдат ішінен: «сені бас білдіріп үйретейін бір», – деді.

– Жоққа жүйрік те жетпейді, әкеліңіз шеше балтаны, балтадан балдай тәтті сорпа пісірейін, қара сорпа болар, сонда да қарынды алдармыз, — деді.

«Балтадан қалай пісірер, екен, қарап тұрып үйреніп алайын, күндердің күнінде керек болар», – деді кемпір ішінен.

– Балта анау тұр, маңызды болар, ал пісіре ғой, – деді. Сөйтті де, балтасын әкеліп берді. Солдат балтаны қазанға салды. Оның үстіне су құйды. Астына от жақты. От жақты да қайната берді. Қайнатып, қайнатып дәмін көріп:

– Ой қандай жақсы сорпа болған, бірақ азырақ капуста жетімсіздеу болып тұр, – деді.

Кемпір капуста алып келіп берді. Тағы қайнатып, қайнатып дәмін көріп:

– Ой қандай жақсы сорпа болған, бірақ азырақ картошка жетпей тұр, – деді. Кемпір картошка алып келіп берді. Жолаушы картошканы салды, оның үстіне тұз салып тағы қайнатып-қайнатып дәмін көріп:

– Ой қандай жақсы сорпа болған бірақ азырақ майы жетпей тұр, – деді. Кемпір май аяулы, тіпті бергісі жоқ-ақ, бірақ балта сорпасын көргісі келеді. Үйреніп алғысы келеді. Сөйтеді де, солдатқа май алып келіп береді.

– Ал енді шеше үстелді жаса, тарелка, табақтарды әкел, нан әкел, қасықты да ұмытпа. Балта сорпасын ішіп қарайық, тағы қаймақ болса, тіпті жақсы болар еді, – деді. Кемпір қаймақ әкелді. Екеуі отырьш ішті. Ішіп отырып кемпір:

– Солдат, солдат балтаны қашан жейміз?

– Балта әлі пісе қойған жоқ, оны жол жөнекей бір жерде пісуін жеткізіп жермін, — деді. Сөйтті де, балтаны сумкасына салып алып, кемпірмен қоштасты да, жолға түсіп тартып отырды.

Солдат сорпаны ішті де, балтаны алып кетті.