Балалар әлемі » Ертегілер » Есектің қодығы
Есектің қодығы
Ормандағы үйде есектің қодығы тұрады екен. Оның достары болмапты. Қодық зеріге бастайды. Бірде ол: — Пи-пи, хал қалай? –деген дауысты естиді. Еденнің астынан кішкентай тышқан шығып келеді екен.
— Мен кішкентай тышқанмын. Сен зерігіп отырған соң келіп тұрмын,-деп шиқылдады ол.
Осыдан соң қодық пен кішкентай тышқан дос болып кетті. Қодықтың қуанышында шек жоқ. Ол кездескендердің барлығына:
— Ал менің досым бар!-деп мақтанатын болды.
— Ол қандай дос? —деп сұрады аюдың қонжығы жақтырмай сөйлеп. –Құйтақандай біреу шығар?
Қодыққа өтірік айтуға тура келді:
— Жоқ, менің досым – үлкен піл.
- Үлкен піл? Өтірік соқпа!
Әрине, қодықтың сөзіне ешкім де сенбеді. Сонда да оның досы кім екенін көруге аңдар жинала бастады. Олар:
— Ал бізге үлкен досыңды көрсет!-деді. Қодық қысыла бастады. Ол не айтарын білмеді. Осы кезде кішкентай тышқан шыға келіп:
— Қодықтың досы менмін!-деді
— Ха-ха! — деп күле бастады аңдар. — Егер сен үлкен піл болсаң, онда мына қодық нағыз өтірікші.
Ал қодық ұялғаннан қызарып кетті Содан соң айтты:
— Иә, менің досым үлкен піл. Ол жай ғана үлкен піл емес, сиқыршы піл. Қазір ол кішкентай болып тұр. Өйткені менің үйіме екеуіміз сыймаймыз.
— Бәлкім, рас шығар, — деп басын шұлғыды қонжық. — Бірақ, менің мұндай кішкентай болғым келмейді.
— Ол да кішкентай болғысы келген жоқ, — деді қодық. — Бірақ, ол менің ең жақсы досым. Содан соң мен үшін кішкентай болуына тура келді. Өйткені менің досым – нағыз адал дос!
— Ах, қандай қайырымды дос!-деп таң қалды барлық аңдар.
Олар қоштасып, жөндеріне кетті. Содан бері орманда ешкім де кішкентай аңдарды ренжітпейтін болды. Аңдар былай деді:
— Кішкентай достың өзі үлкен бола алады. Тіпті пілден де үлкен бола алады!
Түсініктеме қосу
Ақпарат
Қонақтар тобында тұрған келушілер, осы жарияланымға түсініктеме қалдыра алмайды.