Сайт мәзірі

МЕНІҢ МАМАМ


Бір күні әкеп, ақ мамам
Сыйлады бір ат маған.
Ешкім іздеп таппаған,
Ешкім мініп шаппаған.

Қолыма бір түсті ме
Құстай ұшар арғымақ!
Арғымақтың үстіне
Мініп алдым қарғып-ақ.

Арғымағым со бойда
Ұшты зулап қыр жаққа.
Қалың орман, тоғайлар
Қалып жатты бір жақта.

Асқар таулар шықты алдан
Аспанменен таласып...
Сонау-сонау бұлттардан
Кетер едім әрі асып...

Кетер едім әрі асып,
Арғымақпен көсіле,
Осы кезде мамашым
Түсіп кетті есіме.

Қалмады енді төзім де,
Жетіп келдім үш аттап...
Жатыр екем өзім де,
Мамашымды құшақтап.

Тегтер:
Қосты: Mukhanov_Marat
|
Автор: автор көрсетілмеген
|
Бөлім: Туған, туыстар туралы
|
Көрсетілімі: 2 832
Түсініктеме қосу
Ақпарат
Қонақтар тобында тұрған келушілер, осы жарияланымға түсініктеме қалдыра алмайды.