Сайт мәзірі

Жыл мезгілдерінің тартуы


— Ағылды сайға қар суы,
Көктемнің қандай тартуы?
— Күн көзі жерге қуатты
Төгеді нұрлы шуақты.
Жер жыртып, тұқым себеміз,
Жайнайды гүлмен көбеміз.

— Тараған көпке арайы,-
Несімен қызық жаз айы?
— Су  жылып, құм да қызады,
Ыстықтың жақсы ұзағы.
Шомылып көлге, гүл теріп...
Қызық көп көрсең үлгеріп.

— Сыйлайды бізге қаласа,
Күз күні қандай тамаша!
— Дархан-ай дейді күзіңді,
Алмұрт, алма, жүзімді,
Басқа да жеміс жейсің ғой,
Бәрі де балдай дейсің ғой.

— Қызығын қандай құшақтап,
Келеді бізге қыс аппақ?
— Жүресің қарға омбылап,
Тұрсаң да тайып, он құлап.
Алма бет бала атанып,
Қайтасың үйге шаттанып.

Тегтер:
Қосты: Kz_ref_Mara
|
Автор: автор көрсетілмеген
|
Бөлім: Жыл мезгілдері туралы
|
Көрсетілімі: 2 799
Түсініктеме қосу
Ақпарат
Қонақтар тобында тұрған келушілер, осы жарияланымға түсініктеме қалдыра алмайды.