Балалар әлемі » Өлеңдер, тақпақтар » Жыл мезгілдері туралы » Күміс күн төкті нұр
Күміс күн төкті нұр
Көктем келіп көгілдір,
Жасыл көрпе төседі.
Күміс күн де төгіп нұр,
Көлеңкелер кешеді.
Шомылдырды даланы,
Құйып өткен нөсері,
Жаудыраған жанары
Шық та күбірлеседі.
Шың басында кіл ақ қар,
Жіпсіп жатыр күн ысып.
Таудан құлап бұлақтар
Жөңкіледі күлісіп.
Табиғат та — жыр бағы
Тынбайтұғын құс үні.
Байшешектер қырдағы —
Қыздардың көп мүсіні.
Түсініктеме қосу
Ақпарат
Қонақтар тобында тұрған келушілер, осы жарияланымға түсініктеме қалдыра алмайды.