Сайт мәзірі
» » САЛТ-ДӘСТҮР, ӘДЕП-ҒҰРЫП ТУРАЛЫ

САЛТ-ДӘСТҮР, ӘДЕП-ҒҰРЫП ТУРАЛЫ

САЛТ-ДӘСТҮР, ӘДЕП-ҒҰРЫП ТУРАЛЫ

 

Сыпайының сыры мол.

***

Қолыңмен істегеңді,

Мойныңмен көтер.

***

Жығылған үстіне жұдырық.

***

Алған бір жазықты.

Алдырған екі жазықты.

***

Аққа қара жұқпайды.

***

Ұсынған мойынды алмас кеспес.

***

Естіген құлаққа жазық жоқ.

***

Жаңылмас жақ болмас,

Сүрінбес тұяқ болмас.

***

Алдыңа келсе, атаңның құнын кеш.

***

Жорғаң қатты болса, бәске сал,

Ісің ақ болса, көпке сал.

***

Адасқанның айыбы жоқ,

Қайтып үйірін тапқан соң.

***

Орамал тонға жарамаса да,

Жолға жарайды.

***

Ас көп болса, кәде көп.

***

Жігіттің бір жұрты нағашысы.

***

Бір күн дәм татқанға, қырық күн сәлем.

***

Қостың кішісі болғанша,

Иттің күшігі бол.

***

Қотыр қолға қола сақина.

***

Үлкен үйдегі күлсе,

Кіші үйдегі езу тартады.

***

Ел-елдің заңы басқа,

Иті қара-қасқа.

***

Нағашымен күрессе,

Жиені жығылар.

***

Жек көргеннің жұмысын, кетерінде сұра.

Жақсы көргеннің жұмысын, келгеніңде сұра.

***

Сақтағанын жесе, сағынғаны келер.

***

Ескерген ескі асынан сақтайды.

***

Берген қолым алған.

***

Сұрап бергенше,

Соғып бер.

***

Соймаса қан шықпайды,

Құр тілден май шықпайды.

***

Ет жемесе де, сорпа ішкендей болды.

***

Берместің асы піспес,

Қазаны оттан түспес.

***

Ет дегенде бет жоқ.

***

Тойган тамақ түске жетпес,

Ықьшас естен кетпес.

***

Асыңа тойғызбасаң да,

Ақниетіңе тойғыз.

***

Барым әзір, жоғым жай.

***

Ас иесімен тәтті.

***

Досыңның асын, қасыңдай іш.

***

Амандық ағадан.

***

Тойған үйге тоғыз бар.

***

Шақырған жерден қалма,

Шақырмаған жерге барма.

***

Асаған. білмес,

Тураған білер.

***

Ас иесінің әлі біледі,

Асатушының қолы біледі,

***

Алты жасар бала алыстан келсе,

Алпыс жасар кәрі алдынан шығар.

***

Барымен базар, жоқты қайдан қазар.

***

Пышағы бар сүйгенін жер,

Пышағы жоқ тигенін жер.

***

Құр қасық ауыз жыртар.

***

Күн жазға айналды,

Ет азға айналды.

***

Құс жаман шажа,

Дос жаманы бажа.

***

Келіншектің бетін кім бұрын ашса сол ыстық.

***

Келгенше қонақ ұялар,

Келіп болған соң үй іші ұялар.

***

Қонақ атаңнан да ұлы.

***

Қонак құдайдың еркесі.

***

Қонақ аз отырып,

Көп сынайды.

***

Құтты қонақ келсе,

Қой егіз табады.

***

Тас түскен жеріне ауыр

***

Қонақ қойдан да жуас,

Май берсе де жей береді.

***

Қонақ бір күн қонса құт,

Екі күн қонса жұт.

***

Қонақ жаман болса,

Үй иесі қыдырар.

Үй иесі жаман болса,

Қонақ қыдырар.

***

Қонақ келсе, ет пісер,

Ет піспесе, бет пісер.

***

Қонағым өз үйіңді де ойлай отыр.

***

Қонаққа «Кел» демек бар,

«Кет» демек жоқ.

***

Қонағыңның алтынын алма, алғысын ал.

***

Тойдың болғанынан, боладысы қызық.

***

Тойға барсаң бұрын бар,

Бұрын барсаң орын бар.

***

Шақырусыз тойға барғанша,

Қазусыз көрге бар.

***

Тойға барсаң, тойып бар.

***

Елу жылда ел жаңа,

Жүз жылда қазан жаңа.

***

Заманына қарай амалы.

***

Заманына қарай заңы,

Тоғайына қарай аңы.

***

Заманы бірдің амалы бір.

***

Жасы құрдас, құрдас емес,

Заманы бір құрдас.

***

Мың «сіз-біз» ден

Бір шыж-мыж артық.



Тегтер:
Қосты: Kz_ref_Mara
|
Автор: автор көрсетілмеген
|
Бөлім: Мақал-мәтелдер
|
Көрсетілімі: 46 930
Түсініктеме қосу
Ақпарат
Қонақтар тобында тұрған келушілер, осы жарияланымға түсініктеме қалдыра алмайды.