-Т-

Талда отырған
Қай құс?
Таста отырған
«Байғыз» деген байғұс.

Тана тағып, тай мінген,
Шапан жауып, нар мінген.
Мал жинаған әркімнен
Табыскерге таңмын мен.

Тастай ауыр ақ сақам,
Ақ сақаммен жақсы атам.
Жақсы атқаным емес пе,
Ұлдарды зар қақсатам.

Тас,тас, тасбақа,
Асты-үстінде тас-тапа.
Келсін қасқа- асқа, ата,
Берші бата, досқа, ата.

Тау басында тарымды жедім,
Жар басында жармамды жедім.
Сайға түскен соң
Сонан қалғанды жедім.

Телпек ұстаған
Шелпектің қасынан табылды.
Келтек ұстанған
Шелпектен қағылды.

Томағаланған төрт бүркіт - қолда.
Томағаланбаған төрт бүркіт - торда.
Қанша бүркіт болады сонда?

Томпылдақтар-ай,
Қомпылдақтар-ай,
Тоңқылдақ торғай,
Қоңқылдақ қор-ай,
Тоңқаңдап бырқ-бырқ,
Томпаңдап былқ-былқ,
Тартады бүлк-бүлк
Батпаққа қарай.

Тортты ұнатамын торы ала атым,
Ала қарға түстес қара ала атым.
Астымда болса, асудан асып,
Шамам бар қасқыр қаға алатын.

Торы атты да жараттым,
Кері атты да жараттым.
Тынысы кең торы аттың,
Екпіні зор кері аттың.
Тұлпар тағаланулы,
Тұйғын томағаланулы.
Таңырқарлың тапқырлық -
Таланттыдан.
Тайсалмайтын талпыныс — талаптыдан.

Тұмсығы балғаға айналар,
Балғасы қайлаға айналар.
Қайласы қайыңға қайралар,
Тоқылдақ тоғайлы сайда бар.

Тысы тым көрікті,
Үкілі үш бөрікті
Үлестір деп беріпті.

Тегтер:

Қосты: Kz_ref_Mara

Автор: автор көрсетілмеген

Бөлім: Жаңылтпаштар

Көрсетілімі: 3 959

Түсініктеме қосу

Ақпарат

Қонақтар тобында тұрған келушілер, осы жарияланымға түсініктеме қалдыра алмайды.

Сайтта орналастырылған барлық материалдар олардың иелеріне тиесілі және тек таныстыру мақсатында ғана ұсынылады
Әкімшілік материалдың мазмұнына жауап бермейді және шығындарды өтемейді. Авторлық құқығы Сізге тиесілі материалды байқап қалған жағдайда әкімшілікпен хабарласыңыз!