Балалар әлемі » Өлеңдер, тақпақтар » Төрт түлік, аң-құстар » Құлыншақ
Құлыншақ
Құлыншағым, құлдырап,
Құйрық-жалың судырап,
Ұшып кете жаздайсың,
Көз ұшында бұлдырап.
Ойлы-қырлы жер де көп,
Болар ма екен жел бөгет.
Көзің алды мұнартып,
Кетті ме екен дөңгелеп.
Шыңылдады-ау құлағың,
Тіл алмайсың, пырағым.
Тимей кетті жерге де
Топылдаған түяғың.
Жер басқаның жаңа ғой,
Бері қарай шаба ғой.
Көп ойнадың құйғытып,
Деміңді енді ала ғой.
Түсініктеме қосу
Ақпарат
Қонақтар тобында тұрған келушілер, осы жарияланымға түсініктеме қалдыра алмайды.