Сайт мәзірі

БҰЗАУҚАН


Жылы жерде балбырап,
Жан-жағыңа жаудырап,
Жатамысың, әукешім,
Жалғыз өзің маужырап.

Тұрмаймысың, батырым,
Жетпей ме әлі батылың?
Жердің қандай екенін
Көрші, жүріп ақырын.

Табан тіреп, бекініп,
Кетесің тез жетіліп,
Қатты ма, әлде жұмсақ
Көрші, кәне, секіріп.

Айналаңды шолып көр,
Қалай екен, желіп көр,
Содан кейін, енеңді
Өзің барып, еміп көр.

Сүрінерсің, жүрерсің.
Күннен-күнге түлерсің.
Аухауласам, ұстатпай,
Алыстан құлақ түрерсің.
Тегтер:
Қосты: Kz_ref_Mara
|
Автор: автор көрсетілмеген
|
Бөлім: Төрт түлік, аң-құстар
|
Көрсетілімі: 2 310
Түсініктеме қосу
Ақпарат
Қонақтар тобында тұрған келушілер, осы жарияланымға түсініктеме қалдыра алмайды.